Нона Ражабовна, савол: Швецияда Парламент роли хамда сайловлар ўтказиш холислиги ҳакида фикрларингиз. Ер ости ва ер усти бойликларидан келаётган фойданинг очиклиги ҳақида фикрларингиз.
Жавоб: Салом, Нона Ражабона! Парламент улкан кучга эга. Парламент бош вазирни тайинлайди, қонунлар қабул қилади ва қайси солиқларни олиш кераклигини ҳал қилади. Риксдаг ҳукумат устидан назоратни ҳам амалга ошириши керак. «Адолатли сайлов» турли хил нарсаларни англатади. Аввало, партияларга рухсат берилиши (партияларни рўйхатдан ўтказиш) ва партиялар ўзларининг фикрларини билдиришлари учун кенг фикр эркинлигини таъминлаш керак. Яқинда бўлиб ўтган АҚШ сайловлари ташкилотнинг ўзи овоз бериш нуқтаи назаридан қанчалик муҳимлигини эслатди. Овозларни беришда ҳам, овозларни ҳисоблаш жараёнларида ҳам фирибгарликда шубҳа бўлмаслиги керак. Агар ушбу шартлар бажарилса, ҳамма сайлов натижаларини ҳурмат қилиши керак.
Нона Ражабовна, савол: Европа бизга жуда хам ёқади. Ўзбекистон ва Швеция ўртасида яқинликни таъминланишида кўприк бўла оласизми?
Жавоб: Салом, Нона Ражабовна, албатта, мамнуният билан. Агар бирон бир яхшилик қила олсам ёрдам беришдан мамнунман. Аммо мен ҳозир қариб қолдим ва расмий ваколатим йўқ, шунинг учун умид қиламанки, бундай ролни ўз зиммасига олишни истаган ёшроқ, фаол сиёсатчилар бор!
Gavkhar Weibel, вопрос:
1- Декларируют ли свои движимое и недвижимое имущества и платят ли налоги представители власти, начиная от президента и до государственного служащего самого низкого ранга в Швеции?
2- Имеет ли право (допустим ли или запрещено ли Законом) иметь свой частный собственный бизнес, компанию, акции и т.д. государственное должностное лицо в Швеции?
Жавоб: Салом Гавхар Вейбел, Швециядаги ҳар бир киши ўз даромадлари тўғрисида декларация бериши ва солиқ тўлаши шарт. Одатда, давлат хизматчисига давлат хизматидан ташқари хусусий бизнес билан шуғулланиш тақиқланади. Истиснолар маълум сабабларга кўра амалга оширилиши мумкин. Агар акциядорлик улуши катта бўлган шахс вазир бўлиб қолса, манфаатлар тўқнашуви бўлмаслиги учун акцияларни бошқариш мустақил ташкилотга ўтказилади.
Akbarali Orif, савол: Ҳурматли Ларс! Швецияда давлат бошқарувчи кадрлар қандай тайёрланди? Ёки партияларни тавсияси етарлими?
Жавоб: Салом, Акбарали Ориф, Швеция қонунлари ва урф-одатлари сиёсатчилар ва давлат хизматчилари ўртасида қатъий чегарага асосланган. Сиёсий тайинлашлар амалга оширилиши мумкин эмас, фақат вазирлик девони расмийлари бундан мустасно. Ходимлар учун махсус дарслар мавжуд эмас. Улар мунтазам таълимни университетларда олишган, масалан, ҳуқуқ ёки иқтисод соҳаларида.
Akbarali Orif, савол: Маълумки, Ўзбекистон жуда коррупциялашган мамлакат. Ундан воз кечишда Швеция қандай ёрдам таклиф қила олади?
Жавоб: Салом Акбарали Ориф, Коррупциясиз яхши маъмурий тузилма – бу ижобий ривожланишга интилаётган мамлакатдаги энг муҳим ютуқлардан биридир. Швеция бу борада баъзи мамлакатларга ёрдам берар экан, нега Ўзбекистонга ёрдам бермасин?! Ҳеч бўлмаганда Европа Иттифоқининг Ўзбекистон билан ҳамкорлиги доирасида бундай ҳаракатлар амалга оширилиши мумкин.